^

PSN Opinyon

EDITORYAL - Permanenteng evacuation centers, nararapat itayo

Pilipino Star Ngayon
EDITORYAL - Permanenteng evacuation centers, nararapat itayo

Taun-taon mahigit 20 bagyo ang dumadalaw sa bansa at karamihan sa mga ito ay malalakas at mapaminsala. Maraming bahay ang nawawasak at marami ang namamatay. Bukod sa bagyo, grabe rin ang nararanasang pagbaha kaya inililikas ang mga tao. Tumatama rin ang malalakas na lindol at iba pang kalamidad.

Karaniwan nang tanawin na kapag may banta nang malakas na bagyo o mga pagbaha, nagsasa­gawa na ng preemptive evacuations ang LGUs sa mga residente na malapit sa ilog. Bago pa tumama ang bagyo, nailikas na lahat ang mga tao.

Ang problema, siksikan sa pinagdalhan sa kanilang evacuations centers. Halos magkapalit ang mga mukha sa liit ng evacuation centers. Karani­wang ginagamit na evacuation centers ay mga esku­­welahan at mga covered court sa mga barangay. Ang problema lang, mga bata ang walang magamit na classroom dahil nga ginagamit ng evacuees. Tumatagal ng isang linggo sa evacuation centers ang mga biktima ng bagyo, baha o kaya’y lindol.

Lubhang kailangan ang evacuation centers sapag­kat ang bansa ay lagi nang sinasalanta ng kung anu-anong kalamidad at kailangang ilikas ang mga tao. Taun-taon ay ganito ang nangyayari kaya panahon na para magtayo ng permanenteng evacuation centers.

Mula pa nang tumama ang Bagyong Yolanda noong 2013, marami nang nagmungkahi na magtayo ng evacuation centers. Pero mahigit 10 taon na ang nakalilipas, wala pa ring itinatayong evacuation centers. Ang nangyayari, bahala na si Batman kapag nandiyan na ang bagyo at iba pang kala­midad. Saka na lang problemahin kapag malapit ang bagyo.

Sinabi mismo ng Department of Social Welfare and Development (DSWD) na dapat nang magtayo ng permanenteng evacuation centers sa iba’t ibang lugar­ sa bansa. Ipinaalam na ito ng DSWD kay Pre­sident Ferdinand Marcos Jr. Harinawang maisa­katuparan ang planong ito upang magkaroon ng kaayusan sa panahon na inililikas ang mga taong apektado ng bagyo at iba pang kalamidad.

DSWD

Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with