Sara, may sariling paninindigan

Pinatunayan ni presumptive vice president Sara Duterte-Carpio na may sarili siyang disposisyon at  kaya niyang ikampanya ang sarili niya kahit na sinuway niya ang kanyang amang si President Duterte sa gusto nitong mangyari sa nakaraang May 9 elections.

Nanalo si Sara kahit na hindi siya lantarang inendorso ng presidente. Nagsimula at natapos na lang ang 90-day campaign period hindi talaga nagkasama sa iisang entablado ang mag-ama.

Ngunit pinatunayan ni Sara na siya ay “she is her own person” pagdating sa pulitika at kahit ano pa man sigurong bagay sa buhay.

May prinsipyo, matapang at matatag ang pagkatao ni Sara at talagang magagamit niya ang mga katangiang ito sa bago rin niyang task bilang incoming Secretary of Education.

Kaabang-abang nga si Sara Duterte-Carpio bilang bagong bise presidente ng Pilipinas.