Bantay Pulitiko 1: Ralph Tulfo
Dalawang klase ang tatak Tulfo
Una, ‘yung mababagsik na handang lumaban ng sabayan para lamang maipagtanggol ang mga mahihina’t walang boses. Diretsahan, walang paliguy-ligoy.
Ito ‘yung mga nasa unang henerasyon na inumpisahan ni Mon Tulfo sa Isumbong Mo at ang BITAG sa kasalukuyan. Kasama rito ang Tutok Tulfo ni Erwin.
Pangalawa, ‘yung maunawain, matulungin, malambot ang puso at matiyagang makinig. Ito si Tol Raffy kung saan naipasa niya ang mga katangiang ito sa kaniyang anak na si Ralph.
Tumatakbo bilang representative para sa ikalawang distrito ng Quezon City si Ralph Tulfo.
Sa tagal ng panahong kasa-kasama ng kanyang amang si Tol Raffy sa pagtulong sa tao, pamimigay ng ayuda, pakikinig sa iba’t ibang sumbong at hinaing at pagbibigay ng aksiyon.
Namulat at nakita ni Ralph ang mga “tunay” na pangangailangan ng bawat komunidad at mga residente nito.
Bata man, nalinang na ang kakayahan ni Ralph na matugunan ang kakulangan ng mga nangangailangan. Hindi imposible na mas magampanan niya ang tungkulin sa balawarteng kanyang kinabibilangan.
Fresh mind – taglay niya ang mga bagong estilo’t taktika ng mabilis at epektibong pagresolba ng bawat problema. Ito ang bunga ng pakikinig at pagtutok sa pangaral ng kanyang ama.
Kung public service lang naman ang pag-uusapan, malayo sa mga tradisyunal na pulitiko ang naipakita at nagampanan na ni Ralph.
Bagong henerasyon, bagong mukha, bagong pagseserbisyo. Nasa ilalim ng ticket ng kasalukuyang Quezon City Mayor na si Joy Belmonte. Ang Mayorang subok na rin ng BITAG sa larangan ng serbisyo publiko.
Lahat nang reklamo’t problemang inilapit ng BITAG sa tanggapan ni Mayor Joy, kanyang pinakinggan at binigyan agad ng aksiyon.
Abangan ang isa pang alas ni Mayor Joy sa 2nd district ng Quezon City. Bagong henerasyon, bagong mukha – hindi tradisyonal ang pagseserbisyo. Kilalanin kung sino siya!
- Latest