Mga kampo militar natin ginagapang ng China (2)

SAPOL - Jarius Bondoc (Pilipino Star Ngayon) - November 24, 2020 - 12:00am

(Karugtong nang nalathala kahapon.)

BIHASA ang Chinese Communist Party sa “gray-zone stra­tegy”. Pinagsasanib ang giyera pulitika sa sanda­ta­hang opensiba. Ginagamit ang sibilyan sa kilos militar; halim­bawa, maritime militia, mga mangingisda, para bulabugin ang Pagasa Island, Palawan.

Sinimulang alisin ang Air Force sa 77-ektaryang Sangley base nu’ng Agosto 2019. Ipinalipat kasi roon ni President Duterte kay Transport Sec. Arthur Tugade ang general aviation mula Manila International Airport. Nawala ang 15th Strike Wing, 451st Supply Squadron, 570th Composite Tactical Wing, at 1398th Dental Dispensary. Ang runway at hangars ay inangkin ng maliliit na eroplanong pambiyahe ng isda at ibang magaang kargamento. Ililipat ang Air Force sa Laguindingan field, Mindanao.

Agosto 2019 din, ika-limang bisita sa China, tinanggap ni Duterte ang 40% pag-aari ng China Communications Construction Co. sa itatayong Sangley international airport. Uutang ng P550 bilyon sa China.

Hindi lang Philippine Fleet ang aalisin. Tanggal din ang fleet support services, imbakan ng krudo at armas, special warfare units, commandos, komunikasyon, engineering, training, at air squadron. Hindi kinunsulta ang Navy sa pag­lilipat sa loob ng dalawang taon lang. Pebrero 2020 na nang mabalitaan lahat ng Navy. Siyempre nagulat sila.

Noong nakaraang Set. 8, binigyan ni Defense Sec. Delfin­ Lorenzana ng pribilehiyo ang China Telecom na gamitin ang mga kampo militar para sa cell towers. Mamamanmanan ng kumpanyang China ang mga kilos ng Sandatahang Lakas. Maeespiyahan at maari pang i-cyber-sabotage. Ang China Tel ay 40% partner ng Dito Telecommunity na 3rd telco. May-ari ng Dito si Dennis Uy, kaibigan ni Duterte at pinaka-malaking nag-ambag sa kampanya niya sa pagka-Pangulo nu’ng 2016.

Maari pa maging buong may-ari ang CCCC ng airport at ChinaTel ng 3rd telco. Inaamyendahan ng Kongreso ang Public Service Act; papayagan na ang dayuhan na 100%, di lang 40%, sa public utilities.

CHINESE COMMUNIST PARTY
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with