Sobrang stress sa sakuna: Post-traumatic stress disorder
Ang post-traumatic stress disorder ay nangyayari pagkaraang makaranas ng matinding stress, takot at pangamba gaya ng mga sumusunod:
• Sakuna
• Delubyo
• Galing sa giyera
• Naholdap
• Naaksidente
• Na-rape
• Matinding pananakit
Karamihan sa mga sintomas nito ay nagsisimula sa pagitan ng dalawang linggo hanggang tatlong buwan pagkatapos ng pangyayari.
Walang laboratory test na maaaring makapagsasabi na may post-traumatic stress disorder ang tao.
Ngunit kung may makitang ilang sintomas tulad ng sumusunod, posible nga na mayroon siya nito.
Pangkalahatang sintomas:
• Ang sintomas ay tumatagal ng 1 buwan, at hirap makisalamuha sa tao.
• Muling naiisip ang ganoong pangyayari.
• Nakararanas ng bangungot, flashback o pagbabalik tanaw sa nangyari.
• Minsan naiisip na ito ay nangyayari muli sa kanya sa oras na iyon.
• Ang epekto nito ay mabilis na tibok ng puso at paghahabol ng hininga.
Dagdag sintomas:
• Umiiwas na maramdaman o mapag-usapan ang pangyayari.
• Umiiwas sa lugar, tao o gawain na konektado sa insidente.
• Pinipilit kalimutan ang masamang nangyari. Selective amnesia about the traumatic event.
• Nababawasan ang interes sa pang-araw-araw na gawain at pakikisalamuha sa tao.
• Nawawalan ng gana para isipin ang kinabukasan.
• Pagkakaroon ng abnormal sa personalidad kumpara noong hindi pa nasasangkot sa insidente.
• Insomnia o hirap makatulog.
• Iritable.
• Magagalitin.
• Wala sa konsentrasyon.
• Matatakutin.
Paano gagamutin:
• Kinakailangan ng psychological counselling sa lalong madaling panahon.
• Kinakailangan na ang tagapayo ay may kasanayan at kinakailangan nito ng follow-up sa biktima na hindi bababa sa anim na buwan.
• Inirerekomenda ang pagpapatingin sa isang psychiatrist kung kinakailangan at kung hindi bumuti ang lagay ng pasyente ng anim na buwang gamutan.
- Latest