Si Rody at Archbishop Valles
TALAGANG hindi ko mawari kung paano nagawang tawagin ni Foreign Affairs Secretary Teodoro “Teddy Boy” Locsin Jr. na “moron in a white Mu-Mu” si Davao Archbishop at Catholic Bishops of the Philippines Romulo Valles dahil lang sa paghikayat nito sa mga tao na ipagdasal si Vice President Leni Robredo lalo na nang naatasan itong maging co-chair sa Inter-Agency Committee on Anti Illegal Drugs (ICAD).
Ipagsantabi na muna natin ‘yung tungkol kay Robredo kasi kahit sino namang religious leader o kahit sinuman ang maipagdasal ang isang tao.
“Say Thank You to the President you moron in a white Mu-Mu. Without him she’d be stuck with her retarded retinue and [ecclesiastical] idiots like you,” Locsin said in an already deleted tweet on Thursday.
Locsin further slammed Valles, questioning how the CBCP head passed Theology.
“How did you pass Theology? You’re a disgrace to what is supposed to be the world’s most intellectual religion,” Locsin said.
Ito lang masasabi ko. Ang tweet ni Locsin na tinawag n’yang “moron in a white Mu-Mu” si Valles ay nagpapakita lamang na hindi niya kilala si President Duterte at hindi niya alam ang relasyon nito kay Valles na matagal nang nanilbihan dito sa Mindanao, at nitong huli bilang archbishop ng Davao.
Hindi alam ni Locsin ang lalim ng respeto at samahan nina Duterte at Archbishop Valles na kung tutuusin ay mas higit pa sa relasyon ng Presidente sa CBCP at ibang mga leaders nito.
Noong mayor pa lang ng Davao City si Duterte, tumatakbo siya kay Valles kung may mga tanong siya. Parati silang nag-uusap doon sa Bishop’s Residence sa Torres Street.
At kay Archbishop Valles din tumakbo si Duterte noong nanumpa siyang hindi na siya mag- “P.I.” o cuss words.
Nangako pa nga si Duterte kay Valles na mumultahan siya ng P1000 kada “P.I.” niyang masambit na ibibigay sa Caritas Davao.
Huli kaming nagkita ni Bishop Valles sa Mabuhay Lounge ng Philippine Airlines dito sa Davao International Airport may ilang buwan na ring nakaraan na kung saan palipad ako abroad sa isa sa mga coverage ko sa foreign trip ni Duterte.
Nakapag-usap na rin kami ni Bishop Valles ukol sa mga pangyayari at tungkol sa Presidente at maging sa administration nito.
Nakita ko na nandoon pa rin ang warmth, concern, friendship at talagang pagmamahal ni Archbishop Valles kay Presidente. Naintindihan din ng Bishop kung gaano na ka-busy ngayon sa kanyang mga schedule si Duterte.
At hindi ko malimutan ang sinabi ni Archbishop Valles bago kami naghiwalay ng upuan sa loob ng eroplano --- “Please pakiingon kay (tell the) Presidente, I am always praying for him”.
Kaya ‘yung tinawag ni Locsin si Archbishop Valles na “moron in a white Mu-Mu” alam kong hindi ‘yun nanggaling kay Duterte kahit na alter-ego ng Presidente si Locsin. Opinyon lang yun ng top diplomat ng Pilipinas.
Alam ng Pangulo na ipinagdadasal din siya ni Archbishop Valles at hindi lang si Robredo, maging ang sangkatauhan man.
Inuulit ko ito para malaman ni Secretary Locsin:
“Please pakiingon kay (tell the) Presidente, I am always praying for him”.
- Latest
