Rep. Velasco bigo sa term-sharing?
Malungkot daw si Cong. Lord Allan Velasco dahil tila lumalabo ang term-sharing nila ni Speaker Alan Peter Cayetano. Nagdiwang kamakailan ng ika-42nd birthday ang Marinduque Congressman at ang kanyang misis na si Rowena sa San Juan. Ang guest of honor ay walang iba kundi si Pangulong Rodrigo Duterte. Kaso, hindi nangyari ang kanyang inaasahan. Hindi kinumpirma ng Presidente ang naunang napagkasunduang term-sharing nila ni Speaker Alan Peter Cayetano.
Magugunita natin na nagkaroon ng “15-21” term-sharing agreement na ang Pangulo ang nag-apruba at namagitan. Si Cayetano ay uupo sa unang 15 buwan bilang Speaker, at pagkatapos ay si Lord naman sa huling 21 buwan ng 18th Congress. Ngunit walang pahayag ang Pangulo na dapat ipagsaya ng birthday celebrator matangi sa pahayag na ito. “Kung iyan ang usapan, term-sharing, nasa inyo na ‘yan if the parties would honor.”
Dagdag pa ng Pangulo sa harap ng mga congressman na imbitado ni Lord: “Hindi ko pinipilit ang sinuman na pumanig kaninuman. Karapatan niyo ang pumili dahilang kasunduan at ang pagpili ay nasasainyo. Kayo ang may kapangyarihan para mailulok o matanggal ang isang Speaker.”
Talagang nakakalungkot ito para kay Lord. Ang Pangulong Duterte na mismo ang nagsabi na nasa mga kongresista na ang pasya tungkol sa term-sharing.
Mas pinapaboran kasi ni Pangulong Digong ang magandang performance kaysa ang pagiging malapit sa kanya sa pagbibigay ng kanyang suporta, na siya namang dapat. Ang bansa at ang mga mamamayang Pilipino nga naman ang makikinabang kung ang suporta niya ay ilalagak sa karapat-dapat dahil sa buti ng ipinakikitang pagsisilbi sa bayan.
Ipinakita ni Alan Peter ang dedikasyon at kakayahan sa pagiging Speaker. Tingnan nyo nga naman, sa unang dalawang buwan pa lang na pagiging Speaker, nakapagtala na si Cayetano ng pinakamataas na rating kumpara sa mga dati niyang kapwa Speaker sa pinakahuling survey ng Pulse Asia. Ang trust rating ni Cayetano na 62% at approval rating na 64% ay masasabing record-high na ratings. Mas mataas pa ang ratings ni Cayetano kesa kay Vice President Leni Robredo.
Sa maikling panahon pa lang ng kanyang pagiging Speaker, naipasa na ng Kamara ang mahahalagang panukalang batas tulad ng mga tax reform bills ng Pangulong Duterte. At higit sa lahat, naipasa rin nf Kamara ang national budget para sa 2020 sa mabilis na panahon ng walang pork, walang iligal na insertions at walang parking ng pondo.
Kaya naman maging si Cavite Congressman Piding Barzaga na presidente ng National Unity Party ay nagsabing baka hindi na kailangan pa ang term-sharing kapag ganito ng ganito ang ipinapakita ni Cayetano. Ituloy-tuloy na lang hanggang matapos ang Kongreso.
- Latest