Pagod lagi? Tips para lumakas

KUNG pakiramdam mo na lagi kang pagod at nanghi­hina, ilan sa mga dahilan nito ay stress sa trabaho, problema sa pamilya, at marami pang iba.

• Gusto nating labanan ang pagod at panghihina. Narito ang ilang payo para makaroon ng lakas:
• Pagkagising, bigyan ang sarili ng extra 15 minutes para magdasal, mag-stretching, at mag-isip o magmuni-muni.
• Iplano ang gagawin sa maghapon. Maari itong ilista.
• Para may lakas, kumain ng kumpletong almusal gaya ng carbohydrates tulad ng tinapay o kanin. May protina rin sa itlog, tapa at manok. Samahan ng prutas tulad ng saging at mansanas. Iwasan ang matatamis.
• Kung kayang maglakad o umakyat ng hagdan sa trabaho, gawin ito. Dahil ang exercise ay nagbibigay ng energy sa buong araw habang nasa trabaho.
• Puwedeng gumalaw-galaw din habang nakaupo o may ginagawa, para gumanda ang sirkulasyon ng dugo.
• Sa trabaho, sundin ang inilista at maari nang gawin ng isa-isa at magfocus. Isipin ang pinaka-importante at unahin ito. Ganoon din pag-uwi sa bahay.
• Ayusin ang bahay para maging maganda ang nakikita. Maglagay ng maraming makukulay at kaakit-akit sa bahay dahil nagbibigay ito ng energy. Kapag maaliwalas ang nakikita, maaliwalas din ang pag-iisip.

• Maligo bago matulog para presko ang pakiramdam.
• Sa gabi, humiga ng parehong oras para masanay ang katawan sa pagtulog. Puwede ang 6 hanggang 8 oras na tulog. Puwede rin makinig ng music para ma-relax.
• Bigyan din ng bakasyon o ipasyal ang sarili kung matagal nang hindi nakakaalis.
• Mag-isip nang magagandang bagay o positive thinking. Isiping magagawa mo ang mga bagay para may kumpiyansa sa sarili.