EDITORYAL - Hinay-hinay sa paggamit ng tubig
(Pilipino Star Ngayon) - October 24, 2019 - 12:00am

BUMABABA na naman ang level ng tubig sa Angat Dam. Kahapon, naitala ang 186.46 meter above sea level (masl) at maaaring bumaba pa kapag nagpatuloy ang mainit na panahon. Nagpahayag na ang Maynilad Water at Manila Water na magpapa­tupad sila ng rotational service interruptions sa mga susunod na araw. Gagawin ito para hindi agad maubos ang tubig at umabot hanggang sa summer­ ng 2020. Malabo na umanong maabot ng Angat Dam ang target na 212 masl.

Bagama’t may mga dumaang bagyo sa bansa, malayo naman ang mga ito Angat Dam kaya hindi lubusang napuno ng tubig ang dam. Ayon sa PAGASA, tatlong bagyo na lamang ang maaring dumalaw sa bansa bago matapos ang 2019. Ganunman, kahit may hinihintay na bagyo, wala namang kasiguruhan kung ang dalang ulan ng mga ito ay makakasapat sa kakulangan ng tubig hindi lamang sa Angat kundi sa iba pang dam.

Kung hindi magbabago ang lagay ng Angat at magpapatuloy sa pagbaba ang tubig, talagang makakaranas ng kawalan ng tubig ang mga lugar na sinusuplayan ng Maynilad at Manila Water. Maa­aring maulit ang senaryo noong nakaraang Marso na maraming residente ang nawalan ng suplay ng tubig. Grabeng naapektuhan ang mga residente sa east sector na kinabibilangan ng Mandaluyong, Pasig, Taguig at maraming bayan sa Rizal. Dahil sa kawalan ng tubig, marami sa mga estudyante ang hindi pumasok sa kanilang klase. Hindi sila makapaligo dahil sa kawalan ng tubig at walang magamit na panlaba sa kanilang uniporme. Apek­tado rin ang mga may negosyo dahil sa kawalan ng tubig.

Ang paghihinay-hinay sa paggamit ng tubig ang nararapat gawin ng mamamayan. Bawasan ang paggamit na kadalasang natatapon lamang. Hindi dapat mag-aksaya sapagkat walang ibang kawawa sa dakong huli kundi ang mamamayan na rin mismo. Pangunahan naman ng pamahalaan ang pagtitipid sa paggamit ng tubig.

ANGAT DAM
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with