Mga dahilan ng sakit ng ulo

ANG sakit ng ulo ang pinaka-madalas nararamdaman ng mga pasyente.

Narito ang mga dahilan ng pagsakit ng ulo:

• Stress, depression, tension, kaba, lungkot, pag-aalala at galit.
• Kung nakakuba o poor posture, hindi aligned ang gu­lugod o spine, matigas ang mga masel sa balikat at arthritis, may rayuma sa buto ng leeg at pagtigas ng panga.
• Sa migraine headache, ang mga pagkain na may tyra­mine ay maaaring magdulot ng sakit ng ulo tulad ng cocoa, tsokolate, keso, soy products, toyo, alak, vetsin, caffeine, pre­served na karne na may nitrites gaya ng hotdogs, bacon, pepperoni.
• Maaaring sumakit ang ulo kung mababa ang blood sugar, pagdidiyeta, pagpupuyat o kulang sa tulog, sobrang pagtatrabaho o sobrang ehersisyo.
• Nakakasakit ng ulo ang pag-iiba ng klima o weather na kung minsan ay sobrang init o sobra naman lamig.
• May mga gamot na kadalasang mayroong side effect kasama ang pagsakit ng ulo.
• Kung bago o habang may regla at menopause.
• Ang high blood pressure ay nakakasakit din ng ulo.
• Lagnat o kaya naman nauntog.
• May mga taong may irritants sa ilong tulad ng pabango, thinner, pintura at rugby.

Isulat ang mga sumusunod para matulungan ang doktor na malaman ang sanhi ng pagsakit ng ulo:

• Magtala ng araw at oras ng sakit ng ulo; lokasyon, at kung gaano ito katagal.
• I-rate ang sakit from 1-10.
• Ang dahilan na nakapagpa-trigger at pagkain na kinain.
• Kung may kasamang sintomas.
• Kung nasa lahi ng pamilya.
• Mga gawain o stress level.
• Menstrual cycle.
• Gamot na iniinom.
• Klima.
• Trabaho o ang mga ginagawa.

Kumunsulta sa neurologist kung sobra ang sakit ng ulo, nahihilo, nagsusuka, walang balanse, may mataas na lagnat at kung nawalan ng malay.