Dahil sa kapabayaan ng resort, bata nalunod
BITAG - Ben Tulfo (Pilipino Star Ngayon) - May 3, 2019 - 12:00am

ISANG buwan na lamang ay matatapos na ang panahon ng summer sa Pinas. Gayunpaman, nagbibigay babala pa rin ang BITAG, mag-ingat ang mga grupo at pamilyang mag-a-outing.

Noong nakaraang linggo, may lumapit sa aming ina na inilahad ang malunos na sinapit ng 10-anyos niyang anak. Matapos kasing sumama sa outing ng mga katrabaho ng ate niya, iniuwi itong malamig na bangkay. Hindi ito na­isalba ng kanyang 2 kapatid at mga lifeguard sa pagkakalunod sa 6.5 feet na swimming pool ng Rolling Hills Resort, Ugong, Valenzuela.

Umabot sa mahigit P100,000 ang bayarin sa ospital, na-commatose ang bata hanggang sa namatay ito. Reklamo ng ina, P15,000 lang daw ang tinulong ng resort. Humihingi sila ng tulong sa BITAG na papanaguting pinansiyal ang resort dahil hindi nila mapalibing ang bata. Ang ospital kasi ay inipit ang original death certificate nito dahil sa kakula­ngan pa ng bayad.

Hindi ko gustong kagalitan pero napangaralan ko rin ang ina at kanyang nakatatandang anak. Sa umpisa, nagkaroon din ng kapabayaan sa panig ng pamilya. Hindi dapat pinayagan ng ina ang bata na sumama sa ate nito lalo na’t night swimming ng mga katrabaho. Ang ate naman, dapat naging mapagbantay sa kanyang nakababatang kapatid.

Subalit mas malaki ang pananagutan ng resort, ayon sa aming resident lawyer na si Atty. Batas Mauricio. Una, tulog ang mga lifeguard ng nasabing resort nang mangyari ang insidente, hindi rin marunong sa first aid ang mga ito. Ikalawa, kung pumayag ang resort na mag-swimming ng alanganing oras ang kanilang mga guests dapat nakahanda ang kanilang mga safety protocols and assistance.

Inilapit na rin namin ang kasong ito sa pamahalaan ng Valenzuela. Hindi kami nagkamali, mapa-eleksiyon man o hindi, kilos pronto ang tanggapan ng mayor.

Sa paghaharap ng mga nagrereklamo at pamunuan ng resort na inirereklamo, nagkaroon ng resolusyon, sasagot sa kanilang obligasyong pinansiyal ang resort.

Babala ng BITAG sa lahat, maging maingat lalo sa mga panahong ito. Walang masama sa kasiyahan, siguraduhing ligtas ang bawat miyembro ng pamilya, saanman, anuman ang inyong ginagawa.

BEN TULFO
Philstar
  • Latest
Latest
Latest
Recommended
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with