Tindi ng init
DAVAO CITY -- Minsan ‘pag sinabing ‘‘summer is officially here’’ talagang tumatalon tayo sa galak dahil beach time na naman at excursion o road trip sa mga tourist destinations sa kanayunan.
Ngunit kakaiba na rin ang tindi ng init kapag summer na may dalang El Niño nitong mga huling taon. Climate change is real. Binabalewala nga natin ang mga babala niya bago tayo umabot sa ganitong level ngayon.
At may nangyari ngang pagsabog kahapon dakong 11:20 a.m. sa loob ng Davao City Police Office sa San Pedro Street kung saan naganap sa Explosive Ordnance Disposal Unit ng nasabing barracks.
Ayon kay Chief Supt. Marcelo Morales, ang tindi ng init dito kahapon ng tanghali ang sanhi ng pagsabog.
Ani Morales ang apektadong EOD office ay imbakan ng mga ebidensiya, kasali na ang mga lumang ebidensiya ng mga nagdaang kaso.
Wala naman daw nasaktan sa pagsabog at wala ring mga armas na nasira kahit na sa initial na balita ay ang armory ng DCPO ang nasabugan.
‘Yon nga ayon kay Morales wala naman daw silang nakitang foul play ngunit matindi lang talaga ang init at ang naging dahilan ng pagsabog.
Ngunit patuloy pa naman ang imbestigasyon sa kaso. Malalaman din natin ito sa mga darating na araw.
At pag-ibayuhin muna natin ang pag-iingat dahil hanggang Hunyo pa ang El Niño.
- Latest
