Leksiyon
HINDI ito tungkol sa iskandalo ni Jim Paredes mismo kung hindi tungkol ito sa implikasyon ng ganung gawain sa pamilya.
Posible namang mangyari kahit kanino ang nangyari kay Jim Paredes.
Ngunit ito lang ang point ko --- puwede mong palipasin o sa katagalan balewalain ang anumang sabihin ng buong mundo sa iyong indiscretion gaano man ito katindi.
Puwede mong dedmahin o magkunwari kang “wala lang” attitude.
Pupuwede rin ‘yung masanay ka na ring kapalan ang iyong mukha at balik sa dati ang galaw mo sa harap ng madlang people.
Yung sa asawa mo, puwede mo ring hilutin ang relasyon n’yo pagkatapos ng lahat.
Ngunit aminin mo na ang pinakamahirap sa lahat ay ang relasyon mo sa mga anak mo.
Ang hirap kayang humarap sa mga anak mo pagkatapos ng lahat.
Paano ka na sa paningin ng mga anak mo?
Ikaw, makatitig ka pa kaya sa mga mata ng mga anak mo?
- Latest
