Bakit nagiging kriminal ang bata? Bakit nagiging kriminal ang bata?
KAWIKAAN 22:6 “Ituro mo sa kabataan ang landas na tatahakin at sa kanyang pagtanda, hindi siya lilihis dito.”
Usap-usapan ang panukalang batas na ibaba sa edad na siyam na taong gulang ang age of criminal liability porke pabata raw nang pabata ang mga gumagawa ng krimen.
Hindi ako pabor. Ang menor-de-edad ay wala pang katatagan ang isip. Mabilis impluwensyahan ng ibang tao sa mabuti man o masama. Nasa yugto pa ito ng pagproseso ng mga pang-unang kaalaman at hindi pa makapaghusga kung ang gagawin ay tama o mali.
The sense of right or wrong starts at home. Kung masamang halimbawa ang nakikita ng bata sa mga magulang, malamang madidiskarel ang kanyang sentido ng tama o mali.
Kaya nga may mga magulang na dapat magturo ng kung ano ang tama at mali sa mga kabataan. Ang paaralan ay supportive lang ang papel sa paghubog sa karakter ng lumalaking bata. Ang konsentrasyon ng paaralan ay ang pagtuturo ng matematika, lenguahe at iba pang paksang-aralin na ‘di maituturo ng magulang.
Kung naliligaw ng landas ang bata na wala pa sa wastong isip, dalawa ang puwedeng sisihin. Una, ang mga magulang na nagkukulang sa paggabay sa tamang landas sa kanilang mga supling at ang impluwensya ng kanilang sinasamahang barkada.
Pasok diyan ang magulang para subaybayan at alamin kung sino ang mga kaibigan ng anak upang iiwas ang mga ito sa masamang impluwensya. Kaya kung pariwara ang anak at gumawa ng krimen, bakit ito papagdusahin? Lalong masisira ang kinabukasan nito at baka manatiling kriminal.
Two pronged approach ang nakikita kong sulusyon sa problema. Una, rehabilitasyon sa mga minors in conflict with the law, at prosecution sa mga magulang na nagkulang sa tamang pagdidisiplina sa kanilang mga anak.
- Latest