Xi

SI Xi Jinping ang unang President ng China na bibisita sa bansa pagkaraan ng 13 taon.

Darating siya sa Martes at inaasahang maraming dalang “regalo”.

Una nang inaasahan na totohanan na ang implementation ng ilang infrastructure projects na naipa­ngako na noon sa unang state visit ni President Duterte sa Beijing noong October 2016.

At inaasahan din na pag-usapan ni Xi ang tungkol sa telecommunications lalo na nang idineklara ng National Telecommunications Communication ang pagkapanalo ng Mindanao Islamic Telephone Corporation (Misatel), ang consortium ng Udenna Corporation/ Chelsea Logistics ni Davao City-based tycoon Dennis Uy at ng state-owned China Telecommunications Corporation sa nagdaang bidding para sa third telco ng bansa.

Kaya nga inaantabayanan ngayon kung ano ang sasabihin ng Chinese leader ukol sa telecommunication company lalo na’t lumalabas na government-to-government na rin ang naging deal sa pagpasok ng China Tel.

Mangangako kaya si XI na pagbutihin ng China Tel ang services nito bilang third telco sa Pilipinas? 

Abangan na lang.