Bakuna sa HPV
DAHIL sa Dengvaxia controversy, marami ang natakot kaya nahihirapan ang mga local executive at Department of Health (DOH) na sugpuin ang iba’t ibang sakit na luma-laganap ngayon. Ganunman hindi sumusuko ang mga opis-yales ng pamahalaan na sugpuin ang mga sakit. Katulad na lamang nang paglaganap ng Human Papillomavirus (HPV) sa mga kababaihan. Kahapon ng umaga, pinasinayaan ni Taguig City mayor Lani Cayetano ang School-Based Immunization Program kontra HPV na may temang “Sa aking paglaki walang HPV” na ginanap sa Lakeshore Hall, C-6, Lower Bicutan, Taguig City. Ang layunin nito ay upang mapigilan ang pagkalat ng HPV. Suportado ito ng DOH at DepEd kaya ang target ay mabakunahan ang may 6,000 kabataang babaing mag-aaral sa 23 paaralan sa Taguig City.
Ayon kay Cayetano, “In every occasion, I always emphasize how we value the quality of health for every Taguigeno. These hundreds of young school girls are out future teachers, doctors, lawyers and leaders that will bring us to a more progressive city. Their presence here and our sincerest intent to shield them from HPV infection and other diseases that it may trigger, marks the journey to a better future for all Taguigenos.”
Nahikayat ni Cayetano ang mga magulang ng may 300 estudyante na magpabakuna ng HPV vaccine kahapon. Dinaluhan ito nina Dra. Corazon Flores, OIC, Regional Director, Department of Health-National Capital Region Office, Dra. Norena Robles-Osano, City Health Officer, DepEd, Dra. Ja-nice Malesido, Head-Family health Cluster, DOH-CHD-MM, Dra. Jennifer Lou Lorico-de Guzman, Medical Coordinator, National Immunization Program, Taguig City Health Office.
Pati mga guro ay kasama na sa programa upang makalibre ng gastusin. Ayon kay Dr. Flores may kamahalan ang vaccine na ito. Payo ni Flores sa mamamayan na huwag matatakot sa HPV injection o sa anumang bakuna. Ang vaccine ay dumadaan sa masusing testing ng DOH bago ipakalat sa health centers.
O mga suki, huwag n’yong katakutan ang mga bakuna ng DOH. At sa mga taga-Taguig, suportahan ang programa ni Cayetano upang mapanatili kayong ligtas sa anumang sakit.
- Latest
