Malikhaing pagnanakaw ng GMA-7 24-oras!
MARAMING eksklusibong istorya ang BITAG Multimedia Network. Ito’y dahil sa aming Hybrid Integrated Action Center sa aming headquarters sa Timog, Quezon City. Hindi kami hayok sa istorya. Namamahagi kami ng aming mga istorya sa ibang news media sa pamamagitan ng mga katuwang namin na alagad ng batas.
Mapalad kami sa BITAG na pinagkakatiwalaan ng mga nangangailangan at humihingi ng hustisya na lumalapit agad sa aming tanggapan. Mabilis rumesponde ang aming action team dahil katuwang namin ang mga alagad ng batas tulad ng National Capital Region Police Office - Regional Special Operations Group (NCRPO-RSOU).
Hinggil ito sa ipinalabas ng GMA-7 News na exclusive surveillance at operation videos ng BITAG. Ang videong ito ay ipinahiram namin sa mga operatiba ng NCRPO-RSOU. Tahasan kong sasabihin sa kolum kong ‘to, malikhain ang estilong pagnanakaw ng GMA-7 24-Oras sa pamamagitan ng reporter na si Emil Sumangil, may halong “palusot na intriga”. Sinong niloloko niyo?!
Puwede naman naming lagyan ng “exclusive” ang mga video na ipinahiram namin sa mga operatiba ng NCRPO-RSOU. Hindi sangkaterbang mga bobo ang mga nasa NCRPO-RSOU dahil nasampulan na namin dito ang ABS-CBN. Hindi nagkulang ang NCRPO-RSOU sa pamamagitan ni Gen. Lorenzo Eleazar sa pagbibigay ng babala na kailangan lang ay pagbibigay ng credit na ang video ay galing sa BITAG.
Umaray ang ABS-CBN News nitong nakaraang linggo sa eksklusibong storya ng BITAG na “sextortion”. Nitong Miyerkules ng gabi, kitang-kita sa video ‘yung aming female staff na naka-jacket na prominenteng nakatatak ang BITAG, tinakpan ninyo. Talagang malikhain kayo, turuan ninyo ang inyong mga reporter na maging professional. Ang video namin na ginamit niyo sa 24-Oras, nilagyan niyo ng “courtesy of NCRPO-RSOU”. Sinong ginagago niyo?
Putres naman! Exclusive story namin yan. Linawin natin, exclusive story’yan ng BITAG na ipinahiram namin ang video sa NCRPO-SROU para ipahagi sa mga news media. Ang kailangan lang magsabi kayo ng totoo dahil ang sinungaling ay nagnanakaw. Palalampasin namin kayo dahil lahat tayo ay nagkakamali at may pagkakataong magbago. ‘Wag niyo nang uulitin.
You guys at GMA-7 News 24-Oras, are you getting this message clear?
- Latest