‘Ang kuwento ni Lolo’
IPINALABAS na namin sa aming Youtube Channel ang unang video ng “Ben Tulfo Listens.” Hindi ako ang bida rito kundi ang “Kuwento ni Lolo,” isang senior citizen at construction worker.
Isa lang si Lolo sa daan-daang dumadagsa sa amin para magreklamo. ‘Yun nga lang, naiiba ang kanyang kuwento.
‘Di tulad sa ibang complainant, hindi aksyon ang binibigay namin. Kadalasan kasi ang mga simpleng taong ito, naghahanap lang ng karamay sa kanilang problema.
Kung tutuusin, marami sa kanila’y naguguluhan lang at kailangan lang ng taong makikinig. Ito ang saysay ng bagong programang ito.
May mga araw na personal kong hinaharap ang mga lumalapit sa aming tanggapan. Isa-isa kong pinakikinggan ang lahat ng kanilang problema.
Noon pa ma’y ginagawa na namin ‘to. Alam ito ng solid fans at mga natulungan namin. Noon, tuwing Miyerkules, mayroon kaming tinatawag na People’s Day.
Ngayon, araw-araw bukas ang BITAG at Kilos Pronto Action Center para sa lahat ng uri ng reklamo. Meron na rin kaming inilunsad na safety center at online help desk sa Facebook at www.bitagmedia.com
Kinakausap ko sila, casual lang, wala kasi kaming pinipili. ‘Di tulad ng iba, ‘pag ‘di mapakinabangan ang nagrereklamo o kung hindi pang-istorya, ‘di na tutulungan. Mali!
Mayroon pa ngang iba, wala naman talagang problema. Nabibigatan lang sa nangyayari sa buhay at walang mapagbuntonan. Ang mga tulad nila, ‘di ko tinitigilan hangga’t ‘di nalilinawan.
Hindi ako abogado, hindi rin ako pulis o anumang may titulo na eksperto. Pero sa ngalan ng serbisyo publiko, marunong akong makig at magsabi ng totoo gaano man kasakit ito.
Sa kaso ni Lolo, kinausap ko siya at nakinig ako sa kuwento niya. Sa mga gustong panoorin ang episode at alamin kung anong nangyari, bisitahin lang ang aming Youtube Channel, BITAG Official o ang aming website, bitagmedia.com.
- Latest
