Words can unite, divide
Bilang isang journalist, marami ang nagsasabing mayabang ako. Pero teka muna, porke’t walang preno ang bibig ko sa pagbibigay ng unfiltered analysis, mayabang agad?
Iba ang nagmamayabang sa nagsasabi ng totoo, sabi nga nila truth hurts di ba? Kasabihang gasgas na subalit tagos hanggang sa kaibuturan ng pagkatao ang ibig sabihin.
Eto ang hubo’t hubad na katotohanan -- masakit kapag nagsabi ka ng totoo. Minsan niyan nakaka-insulto pa dahil inilalantad mo ang kapalpakan, katangahan at kalokohan ng iba.
Hindi naman talaga aayon ang iba dahil ang mga unang masasaktan ay ‘yung tinatamaan dahil guilty at ‘yung mga may pinapaboran.
Sa isang pahayag lang, asahan mong may mga kontrapelo talaga. Kaya ang resulta, pagkakawatak-watak.
Ang magkabilang panig kasi, mag-kaiba ng pagtingin sa katotohanan, ‘yung mga naniniwala at hindi naniniwala – kesehodang bulag o nagbubulag-bulagan lamang sa isyu.
Katulad ng lagi kong sinasabi, words can unite and words can divide. Words can really divide if you speak of the truth, but words can also restore and heal.
Kung magiging sanhi ng pagkakawatak-watak, laging may dalawang panig: those against and those who are in favour; those who hide in darkness, those who are in light; those who lies and those who are telling the truth.
Sa kasalukuyang political situation ngayon ng bansa, marami ang nagtatanong, kailan kaya sila magkakasundo – ang administrasyon at oposisyon? Depende ‘yan sa mga pakakawalang salita ng magkabilang panig.
Ang mga Pinoy can only agree and disagree or disagree agreeably. Ang tanong, saang panig ka ngayon at kaninong salita ang paniniwalaan mo?
- Latest
