^

PSN Opinyon

‘Very Important Prisoners’ paano nauso sa Bilibid

SAPOL - Jarius Bondoc - Pilipino Star Ngayon

MALAKING problema ang iniwan nina dating Justice secretary Leila de Lima at Bureau of Corrections director Franklin Bucayu sa National Bilibid Prisons. Sa area na 450 ektarya, itong NBP ang pinaka-malaking bilangguan sa bansa. Ang kapasidad nito ay 17,500, pero halos doble na, 32,000, ang inmates. Hindi agad nailipat nina Bucayu at De Lima ang iba sa prisons sa Tagum (Davao) at Iwahig (Palawan), na siksikan na rin.

Marami sa inmates ang kasapi sa isa sa siyam na malalaking gangs: Oxo, Sigue-Sigue, Sputniks, Commandos, Batang City Jail, at iba pa. Parang hari ang mga gang lords; ano man ang hiling, ibinibigay ng mga “kakosa” sa selda: Pera, pagkain, taga-paypay o masahe, puslit na sigarilyo, alak at droga, at pati sex sa kapwa lalaki o sa bisitang babae (asawa, kapatid). Kapalit nito ay proteksiyon ng bilanggo mula sa pangingikil o pananakit ng ibang gangs.

Hindi nagtagal mas lumaki ang gangs kaysa bilang ng prison guards. Naging mas siga sila kaysa pamunuan ng DOJ-BuCor. Kapalit ng “kapayapaan” -- walang riots, malakihang eskapo, gang wars -- pinayagan ng mga naunang opisyal na magbuhay-VIP (very important persons) ang gang bosses. Pinatira sila sa mga kubol sa labas ng selda.

Kinalaunan, kinabitan ang mga kubol ng air-cons, jacuzzis, giant TVs, home theaters, recording studios, massage beds at chairs, computers, at wi-fi telecoms connections. Ikinabit ang kuryente nga sa metro ng bilangguan, halagang P2 milyon kada buwan, na siya namang binabayaran ng DOJ-BuCor gamit ang pera ng bayan.

At mula roon nag-imbak na ng mga armas -- baril, bala, granada — ang mga gangs. Miski inilipat sa NBI headquarters ang gang lords, nagpatuloy ang raket sa ilalim nina De Lima at Bucayu. Ipinalit sa kanila sina Justice sec. Benjamin Caguioa at BuCor dir. Ricardo Reinier Cruz.

* * *

Makinig sa Sapol, Sabado, 8-10 ng umaga, DWIZ (882-AM).

ANG

BATANG CITY JAIL

BENJAMIN CAGUIOA

BUCAYU

BUREAU OF CORRECTIONS

DE LIMA

FRANKLIN BUCAYU

KAPALIT

MGA

NATIONAL BILIBID PRISONS

RICARDO REINIER CRUZ

  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with