‘Buy one, give one’ scheme ng patrol car
DILG sa Metro Manila LGU
MANILA, Philippines — Inirekomenda ni Interior and Local Government Secretary Jonvic Remulla sa Metro Manila Mayors ang ‘buy one, give one’ scheme sa pagkakaroon ng mobile cars na makatutulong sa pagresponde sa mga emergency cases.
Sa kanyang pagsasalita sa Regional Peace and Order Council–National Capital Region (RPOC–NCR) sa Taguig City, sinabi ni Remulla na nakakalungkot na nasa 635 lamang ang police cars sa MM na may 14 milyon populasyon kumpara sa Cavite na may 801 police cars at may populasyon na 4.5 milyon lang.
“What I am proposing is we go back-to-back. You buy one, we give you one,” ani Remulla.
Ani Remulla sa bawat mobile car na bibilhin ng LGU, tutumbasan ito ng DILG.
Samantala, plano rin ng DILG na bumili ng mas maraming motorsiklo na gagamitin ng mga pulis sa kanilang paglilibot, pagmo-monitor at pagresponde.
Nabatid kay Remulla na mas maraming pulis ang mahusay na magmotorsiklo kumpara sa pagmamaneho ng kotse.
“50% of our police force cannot drive, but 90% know how to ride a scooter,” ani Remulla.
Maging ang pagbili ng mini fire trucks ay pinag-aaralan ng DILG upang madaling mapasok ang mga maliliit na lugar sa kasagsagan ng sunogM.
- Latest
