Eskuwelahan sa Quezon City nasunog
MANILA, Philippines — Isang araw bago ang pagbubukas ng klase, nasunog ang isang eskuwelahan sa Brgy. Bagong Pagasa malapit sa isang kilalang mall sa lungsod ng Quezon City kahapon ng umaga.
Bandang alas-11 ng umaga ng itaas ng Bureau of Fire Protection (BFP) ang unang alarma ng sunog sa San Francisco High School sa Brgy. Bagong Pagasa ng lungsod.
Sa report ng BFP, mabilis na nagresponde ang kanilang mga tauhan ng matanggap ang report upang maapula ang apoy.
Naitala ang ikalawang alarma ganap na alas-11:03; ikatlong alarma dakong alas-11:14 ng umaga habang naideklara naman itong fire under control bandang alas-11:30 ng umaga.
Samantalang naapula naman ang sunog ganap na alas-11:58 ng umaga at patuloy naman ang imbestigasyon upang mabatid ang halaga ng pinsala sa sunog.
- Latest
