MRT-3, naka-heightened alert na sa pagbubukas ng klase

MANILA, Philippines — Ngayon pa lamang ay naka-heightened alert na ang pamunuan ng Metro Rail Transit Line 3 (MRT-3) para sa pagbubukas ng klase sa bansa sa Lunes, Hunyo 16.

Ayon sa MRT-3, ito’y bilang paghahanda sa ligtas na pagbabalik-eskwela ng mga estudyante sa susunod na linggo.

Anang MRT-3, nakaantabay ang kanilang mga security at station personnel upang ­umagapay sa pangangailangan ng mga pasahero partikular sa mga mag-aaral.

Mayroon din anilang mga K-9-unit mula sa MRT-3 at sa Philippine Coast Guard (PCG) na nagbibigay ng seguridad laban sa anumang posibleng bomb-related threats.

Magde-deploy din umano sila ng commuter welfare assistants na maaaring lapitan para sa anumang katanungan.

Ang MRT-3, na bumabagtas sa kahabaan ng EDSA, ang siyang nag-uugnay sa Taft ­Avenue, Pasay City at North ­Avenue, ­Quezon City.