Paslit nalunod sa pool

MANILA, Philippines — Isang 7-anyos na bata ang namatay matapos na malunod sa swimming pool sa loob ng isang subdibisyon, Linggo ng gabi sa Quezon City.

Ayon sa ­imbestigasyon ng Quezon City Police District-Criminal Investigation and Detection Unit (QCPD-CIDU), bandang 7:30 ng gabi ­kamakalawa nang maganap ang insidente sa swimming pool ng Olympus Subdivision’s Club House na matatagpuan sa Olympus Road, North Olympus Subd. Brgy. Kaligayahan, ­Quezon City.

Batay sa ­imbestigasyon ni PSSg Erwin Jay A. ­Mendez, ang biktima kasama ang kanyang ina at iba pang mga kamag-anak ay nagdiriwang ng family outing sa nasabing lugar.

Sa gitna ng ­kasiyahan ng pamilya, ­nakita ng lolo na si alyas ­Galoyo, ang bata na nasa ilalim ng swimming pool na may apat hanggang limang talampakan ang lalim. 

Agad sinagip ng lolo ang apo at sa tulong ng kanilang mga kamag-anak ay isinugod ito sa Bernardino General Hospital subalit idineklarang dead-on-arrival bandang alas-8:25 ng gabi ng ­attending physician na si Dr. Jayson ­Tejada.