PHLPost maglalabas ng stamp ni Pope Francis
MANILA, Philippines — Inihayag ni Philippine Postal (PHLPost) Postmaster General Luis Carlos na maglalabas sila ng stamp nagtatampok sa namayapang si Pope Francis.
Sinabi ni Carlos, na nasa proseso na ng pag-uusap para sa disenyo ng Pope Francis Stamp na posibleng mailabas sa susunod na linggo.
Aniya, nagkaroon na ng inisyal na Stamp Committee meeting at naipresenta na ang naturang plano.
Kailangan lamang aniya, na makumpleto kung ano ang magiging disenyo bago ma-imprenta.
Umaasa si Carlos na tatangkilin ng tao ang Pope Francis stamp na iimprenta nila mula 5,000 hanggang 10,000 kopya.
Una nang naglabas ang PHLPost ng mga stamp na nagtatampok kay Pope Francis.
Nakagawa ang naturang opisina ng hanggang 90,000 kopya na labis ding tinangkilik ng mga Pilipino.
- Latest
