10,000 NCRPO cops minobilisa sa Semana Santa
MANILA, Philippines — Umaabot sa 10,000 pulis ng National Capital Region Police Office (NCRPO) ang minobilisa para magbantay sa seguridad ng transportation hubs, mga pangunahing daan at iba pang mga dinaragsang lugar sa Metro Manila kaugnay ng paggunita sa Semana Santa.
Ayon kay NCRPO Director Major Gen. Anthony Aberin, ang deployment ng mga pulis sa NCRPO ay sasaklaw rin sa pagbabantay sa mga residential at business areas na nangangailangan ng police visibility.
Aniya ang mga ito ay kanilang sisimulang ipakalat sa darating na Abril 16, Miyerkules Santo at 24/7 na magbabantay sa seguridad ng mga mamamayan sa National Capital Region.
“We will have 24/7 security coverage. Our target is to secure key locations, from serene places of worship”, ani Aberin kung saan pangunahin ring babantayan ang mga transportion hubs at mga commercial districts .
Samantalang mararamdaman din ang presensiya ng mga pulis sa 300 simbahan sa Metro Manila kaugnay ng Visita Iglesia ng mga deboto ng Simbahang Katoliko kung saan dito’y mahigit 1,000 pulis ang mahigpit na magbabantay.
Idinagdag pa ng opisyal na mahigpit ding babantayan ang mga pook pasyalan o mga parks at recreational spaces sa buong Metro Manila.
- Latest
