Pasig City gagawing ‘smart city’
MANILA, Philippines — Malaki ang paniniwala ni Pasig Mayoral candidate Sarah Discaya na nalalapit nang maging “smart city” ang lungsod ng Pasig sa paggamit ng mga bagong teknolohiya na magpapabuti sa pagseserbisyo sa mga residente.
Ayon kay Discaya, kailangan na ng Pasig ng tunay na pagbabago at pag-ahon ng bawat Pasigueno na naipagkait ng kasalukuyang liderato ni Mayor Vico Sotto.
Sa kanyang campaign mantra na “Kaya ba? Kaya this!” tiniyak ni Discaya na kanyang tutukan ang kanyang mga proyekto para mabigyan ng maayos na pamumuhay ang bawat Pasigueno.
Kabilang sa kanyang programa ay ang pagpapatayo ng 11-storey university building, seven-storey high school building at up-to-date elementary building na mas magpapalawak ng kaalaman at karunungan ng mga estudyante. Tututukan din ni Discaya ang moderno at libreng ospital tulad ng ipinatutupad ng ibang bansa.
“Hindi masamang manggaya kung sa ikabubuti ng maraming Pasigueno” ani Discaya.
Dagdag ni Discaya, ang kanyang personal na karanasan ang nagtulak sa kanya na tumakbo sa pagka-alkalde ng Pasig. Aniya nakita niya ang sitwasyon ng mga residente sa lungsod.
- Latest
