P1 pabuya kada lamok, larva inilunsad
Para iwas dengue
MANILA, Philippines — May alok na P1 pabuya ang isang barangay sa Mandaluyong City sa bawat lamok o larva na mapapatay o mahuhuli ng mga residente, bilang tugon sa dumaraming kaso ng dengue sa kanilang lugar
Nabatid na sa naturang kampanya ng Brgy. Addition Hills na tinatawag na, “May Piso sa Mosquito”, magkakaloob ang barangay ng P1 reward para sa bawat lamok o larva na mapapatay ng mga residente. Layon nitong mapuksa ang sakit na dengue sa kanilang nasasakupan.
Naghanda pa ang barangay ng isang aquarium kung saan ilalagay ang mga napatay na lamok at larva.
Bukas ang barangay hall mula Lunes hanggang Biyernes, ganap na alas-8:00 ng umaga hanggang alas-5:00 ng hapon para sa mga nagnanais na magdala ng kanilang mga nahuli o napatay na lamok at makubra ang kanilang pabuya.
Magsisimula ang naturang reward system sa Biyernes, Pebrero 21.
- Latest
