Housing project ng NHA ininspeksiyon ni GM Tai
MANILA, Philippines — Upang matiyak ang kalidad at napapanahong pagtatapos ng proyekto, pinangunahan ni National Housing Authority (NHA) General Manager Joeben Tai ang pag-inspeksyon sa In-City Housing Project sa may Arkong Bato sa Valenzuela City.
Ang naturang pabahay program ng pamahalaan ay nakalaan para sa mga pamilyang naninirahan sa mga mapanganib na lugar. “Alinsunod sa ating programang Build Better More (BBM) Housing at sa direktiba ng ating Pangulong Ferdinand R. Marcos, Jr. para makamit ang isang Bagong Pilipinas.Pagkatapos ng inspeksyon na sinamahan ni Assistant General Manager Alvin Feliciano, pinangunahan din ni Tai ang inagurasyon at ribbon cutting sa bagong tanggapan ng NHA-NCR-North Sector sa Brgy. North Bay Boulevard South, Navotas City.
Sinabi ni Tai, ang bagong opisina ay isang mahalagang hakbang upang mas mailapit sa publiko, stakeholders, at mga benepisyaryo ang mga serbisyo ng NHA, at matiyak na mas madali nilang maa-access ang mahahalagang programang pabahay at suporta mula sa pamahalaan.
- Latest
