Pinakamalaking bodega ng gamot itatayo sa Maynila
MANILA, Philippines — Nakatakdang itayo ang pinakamalaking bodega ng gamot ng parmasya sa lungsod ng Maynila.
Ito ang nabatid matapos naman ang groundbreaking ceremony sa pagtatayuan ng naturang bodega ng gamot.
Pinasalamatan naman ni Mayor Honey Lacuna si Congressman Benny Abante, Jr. (6th District) para sa kanyang pagsisikap na tulungan ang kanyang administrasyon na nag-operate sa budget.
Inihayag niya na sa pakikipagtulungan ng tanggapan ni Rep. Abante at ng Department of Health (DOH) sa lungsod ng Maynila na magkaroon ng pinakamalaking bodega ng mga gamot para sa paggamit ng lokal na pamahalaan upang tumulong sa patuloy na pagbibigay-prayoridad ng lungsod sa pangangalagang pangkalusugan.
Sa pangunguna ni Lacuna at Abante, Jr., sinaksihan naman ni DOH Usec. Dr. Emmie Liza Perez-Chiong at Manila City Health Officer Dr. Arnold Pangan ang groundbreaking sa construction site ng Isidro Mendoza Health Center sa Pandacan noong Huwebes.
“Bukod sa pagsisimula ng konstruksyon ng bodega ng botika, ang pagtatayo ng bagong pinahusay na Isidro Mendoza Health Center ay isa pang pinakahihintay na tagumpay, na inaasahang matatapos sa Abril 2025. Mas palalakasin pa natin ang serbisyong pangkalusugan sa Maynila” ang sabi pa ni Lacuna na isang doktor.
- Latest
