12 minors nasagip sa human trafficking, online sexual abuse
MANILA, Philippines — Nasa 12 menor-de- edad na pinaniniwalaang biktima ng human trafficking at online sexual abuse, ang nasagip sa tatlong magkakasunod na operasyon ng pulisya at Taguig City government.
Apat sa mga nasagip ang nailigtas noong Mayo 25, 2023, kabilang dito ang magkakapatid na kinabibilalang ng isang 5-buwang gulang na sanggol.
Arestado ang ina ng magkapatid.
Ayon sa Taguig City Social Welfare Development Office, na tumulong sa National Bureau of Investigation (NBI) rescue operation, ang ina ng mga bata ay nahaharap na paglabag sa Anti-Online Sexual Abuse o Exploitation of Children law, Anti-Child Sexual Abuse o Exploitation Materials Act in relation to the Cybercrime Prevention law, and trafficking.
Mayo 5, ang isa pang batch na kinabibilangan ng isang 16-anyos na lalaki, isang 15-anyos na babae, at dalawang 13-anyos na babae ang nailigtas sa tulong ng Taguig Police Substation-4, ang Inter-Agency Committee ng Department of Justice Against Trafficking, the Philippines Against Child Trafficking, at ang Department of Social Welfare and Development-National Capital Region.
Noong Mayo10, nasagip din ng CSWDO-Taguig at Philippine National Police’s Children Protection Center ng Camp Crame ang apat ding minors.
Nag-ugat ang operasyon sa impormasyong ibinigay ng Australian Federal Police, na kabilang ang isa nilang kababayan sa online sexual abuse and exploitation ng mga menor-de-edad.
Sinabi ng CSWDO-Taguig na sumailalim sa medico-legal examinations at psychosocial intervention ang mga nasagip na menor-de- edad.
Papadaliin din ng Lungsod ang referral ng mga nakaligtas na biktima para sa kanilang tutuluyan para sa pangmatagalang interbensyon.
- Latest
