Gasolina tataas, diesel, kerosene bababa

MANILA, Philippines — Magkakaroon ng P1 pagtaas sa presyo ng gasolina sa susunod na linggo, habang may bahagyang pagbaba naman ang presyo ng diesel at kerosene.

Ayon sa oil industry, ang presyo ng gasolina ay tataas ng mula P1 o hanggang P1.30 sa kada litro, samantalang ang presyo ng diesel ay maaaring mabawasan ng  P0.10 sa litro.

Bababa rin ng nasa P0.20 hanggang P0.50 ang presyo ng kerosene kada litro.

Sinasabing ang price adjustment ay dulot ng galaw ng presyo ng mga produktong petrolyo sa merkado. Ito na ang ika-apat na linggo na tumaas ang presyo ng gasolina.