Parañaque fire: 130 pamilya nawalan ng bahay
MANILA, Philippines — Nasa 130 pamilya ang naapektuhan sa naganap na sunog sa residential area sa Parañaque City, kamakalawa ng gabi.
Ayon pa sa Bureau of Fire Protection (BFP)-National Capital Region field unit naganap ang sunog dakong alas-9:56 ng gabi sa Barangay Merville kung saan umabot sa ikalimang alarma.
Nagsimula ang apoy sa kuwarto sa ikalawang palapag na bahay na pag-aari ng isang Jonathan Valderan.
Mabilis itong kumalat kung saan nasa 90 bahay ang natupok, habang aabot sa P375,000 halaga ng ari-arian ang nawala.
Inaalam pa ang pinagmulan ng sunog.
Pansamantalang inilikas ang apektadong residente sa evacuation center.
- Latest