Land titles ipinagkaloob ng NHA sa 65 benepisyaryo sa Quezon City
MANILA, Philippines — Umaabot sa 65 benepisyaryo mula sa Quezon City ang napagkalooban ng titulo ng lupa sa Brgy. Holy Spirit sa lungsod.
Ayon kay NHA General Manager Joeben Tai, ang mga benepisyaryo ng land titles ay mga miyembro ng ibat ibang homeowners’ associations sa National Government Center Housing and Development Project (NGCHDP) na isang programa ng NHA alinsunod sa Republic Act No. 9207 na nagbibigay kapangyarihan na mapangasiwaan ang government-owned idle lands para gawing housing project.
Ang naturang proyekto ay naipatupad sa ilalim ng People’s Housing Alternative for Social Empowerment Land Acquisition Development Program (PHASE-LADP) na programa ng pamahalaan para sa urban poor.
Sa ilalim ng programa, ang qualified beneficiaries ay pagkakalooban ng may 36 hanggang 54 square meters ng government-owned lots. Oras na matapos ang pagbabayad, ang titulo ng lupa ay ililipat na sa pangalan ng mga awardees.
Ang awarding ceremony ay nagsisilbing inspirasyon sa ibang benepisyaryo na maipagpatuloy ang pagbabayad sa kanilang bahay o lot units na nai-award sa kanila at magkaroon ng pagkakataon na magkaroon ng sariling tahanan.
- Latest
