Gusali sa Malabon gumuho: 3 sugatan

MANILA, Philippines — Tatlo katao ang sugatan matapos gumuho ang isang apat na palapag na gusali sa Malabon City kahapon ng umaga.

Kinilala ang mga nasugatan na sina Rob Tombocon, Francisco Catindoy at Ronalyn Tombocon.

Agad na tumugon ang Philippine Red Cross para sa medikal na atensyon ang mga biktima.

Si Ronalyn ang huling nailigtas mula sa gumuhong gusali.

Sa ulat ng Bureau of Fire Protection (BFP), alas-7 ng umaga nang gumuho ang gusali sa Orchid Street sa Barangay Longos .

Sinabi ng mga biktima na naramdaman nila ang pagyanig ng lupa bago ang insidente.

Lumilitaw na ang lugar kung saan itinayo ang gusali ay dating sapa at natatakpan ng mga tambak na basura.

Pitong pamilya pang nakatira sa paligid ng gusali ang tinitingnang ilikas para sa kanilang kaligtasan.

Iniimbestigahan na ng Malabon LGU ang insidente.