Drug Priority Target, 3 pa timbog
MANILA, Philippines — Nadakip ng mga awtoridad ang isang lalaking itinuturing na No. 4 Station Level Drug Priority Target, at tatlo niyang kasabwat, ng Quezon City Police District (QCPD) Project 6 Police Station (PS 15) sa isinagawang buy-bust operation sa lungsod, kamakalawa ng gabi.
Nakilala ang suspek na si Arnel Olino, 55; at ang tatlo niyang kasabwat na sina Dohn Exekheil, 21, kapwa residente ng Brgy. Alicia, Quezon City; Jeric Nepomuceno, 29, residente ng Brgy. Toro, Quezon City; at RJ Caampued, 40, ng Brgy. Sto. Cristo, Quezon City.
Ikinasa ang operasyon dakong alas-10:30 ng gabi, sa Fort Santiago corner Davao City St., Brgy. Alicia, Quezon City.
Nakumpiska mula sa suspek ang may tatlong gramo ng shabu na nagkakahalaga ng P20,400.00; 0.50 gramo ng marijuana na nagkakahalaga ng P60.00, cellular phone at buy-bust money.
Ang mga suspek ay nakapiit na at nakatakdang sampahan ng kasong paglabag sa Republic Act 9165 o The Comprehensive Dangerous Drugs Act of 2002 sa piskalya.
- Latest