US warship USS Tripoli dumaong sa Maynila

MANILA, Philippines — Nakadaong ngayon sa Port Area sa Maynila ang isang warship ng Estados Unidos na may kargang mga attack planes para umano sa isang ‘port visit’, ayon sa Philippine Coast Guard (PCG).

Ang ‘port visit’ ay ang karaniwang pagdaong ng isang barko para magbaba o magsakay ng pasahero, cargo o magsagawa ng pagkumpuni.  Bukod dito, wala nang ibinigay na impormasyon ang PCG sa naturang barko.

Ang USS Tripoli (LHA-7) ay isang US Navy amphibios assault ship, na una nang inihayag na nag-ooperae sa South China Sea para palakasin ang operasyon kasama ang mga kaalyado at handa na rumesponde gamit ang puwersa para ipagtanggol umano ang katiwasayan at istabilidad sa Indo-Pacific region.
Ilan sa mga jet na ito ay nakatapos na umano ng maintenance habang binabagtas ng USS Tripoli ang Philippine Sea.

Tikom din ang PCG kung ang presensya ng USS Tripoli ay may kaugnayan sa tensyon na namamayani sa China at sa Taiwan.