COVID-19 outbreak, posible sa face-to-face classes
MANILA, Philippines — Hindi umano maiiwasan na magkaroon ng outbreak ng COVID-19 sa mga mag-aaral sa pagbabalik ng ‘face-to-face classes’ sa bansa, ayon sa OCTA Research group kahapon.
Pero naniniwala si OCTA fellow Dr. Guido David na hindi na ito magdudulot ng panibagong ‘surge’ lalo na kung agad na mako-contain ang mga outbreak sa mga paaralan sa mga ikakasang mga panuntunan.
“Hindi naman natin maiiwasan na magkaroon ng mga outbreak — di naman siguro surge pero may mga magkakaroon ng outbreak sa schools.
Kung magkakahawaan, it will be expected,” ayon kay David. “We have to make sure that concerned institutions are ready,” panawagan ni David kasabay ng pagsasabi na naniniwala siya na magiging asymptomatic o mild lamang ang magiging mga kaso ng mga bata sakaling tamaan ng virus dahil sa malalakas ang katawan ng mga bata.
Nananawagan siya sa mga paaralan na ngayon pa lang ay maghanda na ng mga plano para sa ‘face-to-face classes’, tulad ng pagbakuna sa kanilang mga guro at tamang bentilasyon, at mga polisiya para sa gagawing aksyon sa oras na magkaroon ng ‘outbreak’ ng virus.
- Latest
