Las Piñas fire: Mag-asawang senior, patay  

MANILA, Philippines — Patay ang mag-asawang septuagenarian nang ma-trap sa nasusunog nilang  bahay sa BF Homes sa Las Piñas City, ka­makalawa ng gabi.

Kinilala ng Las Piñas City Police ang mga biktimang sina  Rolando B. Tablizo, 78 at Hortencia C. Tablizo, 78, ng  14 Lovely Road, BF Homes, Almanza Dos ng nabanggit na lungsod.

Nagsimulang sumiklab ang apoy sa bahay ng mag-asawa dakong alas-10:00 ng gabi ng Agosto 5 at idinekla­rang fire-out alas-11:00 ng gabi.

Patuloy pang iniimbestigahan kung anong sanhi ng sunog na tumupok sa bahay ng mga biktima at sa kanilang sasakyang  Ford Ranger.

Bago ang sunog ay may narinig na dalawang malakas na pagsabog mula sa nasabing bahay.

Pinaniniwalaang na-suffocate umano  ang mag-asawa dahil sa makapal na usok buhat sa sala ng bahay kaya nahirapan nang maka- ­labas ang mga ito.