Bigtime rollback sa petrolyo, ipatutupad ngayong araw
MANILA, Philippines — Inanunsyo ng mga lokal na kompanya ng langis ang isa pang rollback sa presyo ng mga produktong petrolyo epektibo ngayong Martes.
Sa hiwalay na advisories, kinumpirma ng Petron Corporation, Pilipinas Shell, Seaoil Philippines at Flying na ipatutupad pagsapit ng alas- 6:00 ng umaga ng Hulyo 12 ang tapyas na presyong P6.10 sa kada litro sa diesel, P5.70 sa bawat litro ng gasoline at P6.30 sa bawat litro kerosene.
Una nang nag-anunsyo ang Chevron Philippines Inc., sa parehong pump price adjustments na magsisimulang ipatupad alas-12:01 ng madaling araw ng Martes.
Ang PTT Philippines, Petro Gazz, Unioil Philippines, Total Philippines, Phoenix Petroleum at Jetti Oil ay nag-anunsyo rin ng parehong big-time price rollback sa kanilang mga produktong gasolina at diesel na iiral alas-6:00 ng umaga ng Martes.
Alas- 8:01 pa ng umaga ng Martes sisimulan ng Clean Fuel ang pagpapatupad ng katulad na bawas sa presyo.
- Latest