Balik-ruta giit ng jeepney groups sa LTFRB
MANILA, Philippines — Hiniling ng ibat-ibang grupo ng jeepney operators at drivers sa Land Transportation Franchising and Regulatory Board (LTFRB) na ibalik na ang dati nilang ruta o biyahe ng mga pampasaherong sasakyan na nakasaad sa kanilang mga prangkisa.
Sa kanilang petition letter na isinumite sa LTFRB nina ALTODAP President Boy Vargas, Pasang Masda ng Obet Martin, ACTO President Libay de Luna sinabi ng mga ito na balik na naman ang dami ng bilang ng pasahero dahil nagbukas na ang mga negosyo at opisina kaya’t marapat lamang na ibalik na ang kanilang mga dating ruta.
Sa ngayon ang mga passenger vehicles ay binigyan ng special permit sa panahon ng pandemic.
Binigyang diin din ng mga ito na napapanahon na maibalik sa kanila ang kanilang mga dating ruta upang madagdagan ang kanilang kita.
Sobrang tindi anila ang epekto sa kanilang hanapbuhay ng patuloy na dagdag presyo ng gasolina kaya’t kailangan na ang ganitong paraan para kahit papaano ay may maiuwi sila sa kanilang mga pamilya.
- Latest
