32K kabahayan sa Quezon City naka-lockdown

MANILA, Philippines — Dulot ng patuloy na pagtaas ng kaso ng COVID- 19, umaabot na sa 32,000 kabahayan sa Quezon City  ang isinailalim sa lockdown ng lokal na pamahalaan.

Ayon kay QC Mayor Joy Belmonte na house-to- house lockdown lamang ang kanilang ipinatutupad  at hindi magpapatupad ng granular lockdown.

“Hindi na po tayo nagpapatupad ng granular lockdown. Siguro imposible na po mag-lockdown pa ng communities. Ang mangyayari po kasi diyan, buong lungsod magla-lockdown. So, ang ginagawa po natin, house-to-house lockdown. So, at the moment, we have locked down 32,000 house already here in Quezon City,” pahayag ni Mayor Belmonte.

Nilinaw ni Mayor Belmonte na lahat ng magkakasama sa isang bahay ay hindi papayagan na makalabas ng kanilang tahanan. Anya ang  pagpapatupad ng house-to-house lockdown ay nakabase sa siyensya.

“This is also science-based na ayon sa mga datos ng ating mga eksperto, once someone is positive, sa bilis ng Omicron makahawa, the chances are the whole household will be positive.” dagdag ni Belmonte.

Sa ngayon ay may 34,000 bagong kaso ng COVID-19 sa QC.