Shortage sa itlog ng manok, posible - DA
MANILA, Philippines — Malamang na magkaroon ng shortage sa suplay ng itlog ng manok sa bansa.
Ayon ito sa Department of Agriculture (DA) kasabay nang pagsasabing dulot ito ng patuloy na pagmahal ng halaga ng patuka sa manok.
Dahil dito, sinabi ni DA Assistant Secretary at spokesperson Noel Reyes na inaasahan na ng ahensiya na magkaroon ng paghihigpit sa suplay dulot ng tumataas na halaga ng patuka ng manok sa merkado.
Sinasabing tumaas ang presyo ng mais para sa chicken feed mula P14 hanggang P22 kada kilo at maging ang presyo ng soybean ay tumaas din ng hanggang P55 kada kilo.
Samantala, sinabi rin ni Reyes na sapat naman ang suplay ng lowland at highland vegetables ngayong holiday season kaya’t walang dahilan na tumaas din ang presyo ng mga gulay sa bansa ngayong kapaskuhan.
- Latest