Taga-Pangasinan, ikalawang lotto millionaire ng PCSO ngayong Disyembre
MANILA, Philippines — Isang mapalad na mananaya mula sa Pangasinan ang naging ikalawang instant milyonaryo ng lotto ngayong Disyembre.
Napagwagian ng lucky bettor ang jackpot prize na P5,940,000 matapos na matagumpay na mahulaan ang six-digit winning combination na 21-11-19-08-42-04 ng Lotto 6/42 na binola nitong Sabado ng gabi.
Nabatid na nabili ng masuwerteng mananaya ang kanyang lucky ticket sa Urdaneta City, Pangasinan.
Pinayuhan naman ni Philippine Charity Sweepstakes Office General Manager Royina Garma ang lucky bettor na magtungo sa punong tanggapan ng PCSO sa Mandaluyong City upang makubra ang kanyang napanalunang jackpot prize.
Kailangan din aniya nitong magprisinta ng kanyang winning ticket at dalawang balidong ID cards.
Ito na ang ikalawang pagkakataon na may sole bettor ang nakapag-uwi ng jackpot prize sa naturang state lottery games.
Nito lamang Huwebes ng gabi, Disyembre 2, isang sole bettor rin mula sa Dasmariñas City, Cavite ang nakapag-uwi ng ?5.9 milyong jackpot prize sa 6/42 draw.
Noon namang Nobyembre, walong bettors ang naging instant milyonaryo rin.
- Latest