Lalaking matitikas, isasabak ngn Valenzuela LGU vs COVID-19
MANILA, Philippines — May pagkakataon nang sumabak sa laban sa COVID- 19 ang mga lalaking matitikas at matatapang sa Valenzuela City.
Ito’y matapos na hikayatin ni Valenzuela City Mayor Rex Gatchalian ang mga kalalakihan sa lungsod na sumama at makilahok laban sa COVID-19 bilang rescue personnel.
“Calling Valenzuela City’s bravest men! Join the COVID-19 battle as part of the City’s Rescue Team!” nakasaad sa kanyang FB page.
Ilan sa mga kuwalipikasyon ay pagiging residente ng lungsod, may edad na hanggang 35; may taas na hindi bababa sa 5’6, matikas o malusog, katamtaman ang pangangatawan at nakapag-aral ng kolehiyo/vocational course.
Mahalaga rin sa mga nais na maging rescue personnel ang Land Transportation Office professional driver’s license na may restriction code na hindi kukulangin sa 1 at 2; payag na sumailalim sa pagsasanay bilang rescue personnel; pasado sa driving at rescue skills test at; payag magtrabaho sa paiba-iba o mas mahabang oras.
Maaaring magpadala ang sinumang aplikante ng kanilang resume sa [email protected].
- Latest