Pamunuan ng East Avenue Medical Center sa Quezon City, naghahanda na sa Delta surge
MANILA, Philippines — Naghahanda na ang pamunuan ng East Avenue Medical Center sa Quezon City sa posibleng pagtaas pa ng kaso ng Delta variant ng COVID-19 sa Metro Manila.
Ayon kay Dr. Alfonso Nuñez ng EAMC, nag-upgrade na sila ng kanilang oxygen supply para sa inaasahang pagdami ng kaso bukod sa mayroon silang bed utilization rate na nasa pagitan ng 75 percent hanggang 80 percent ngayon kumpara sa 40 percent hanggang 50 percent noong nagdaang linggo.
Sinabi ni Nuñez na oras na ma-upgrade ang kanilang oxygen-generating plant, ang ospital ay maaaring-refill ng iba pang medical facilities oxygen supply hanggang kailangan.
Anya nagbukas na rin ang ospital ng tatlong emergency rooms at dalawa dito ay laan sa COVID-19 cases at dagdag na 15 pang intensive care unit beds.
Sapat din anya ang kanilang human health resources, gayundin ng pagpapanatili sa mga contractual nurses, contractual doctors at contractual admin support personnel.
Agad din anyang naipadadala ang samples ng mga pinaghihinalaang COVID patients sa Philippine Genome Center para sa mabilis na pagkilatis sa karamdaman ng bawat pasyente .
- Latest
