140 pamilya nasunugan sa Quezon City
MANILA, Philippines — Nasa 140 pamilya ang nawalan ng tahanan sa sunog na naganap sa Brgy. Commonwealth sa Quezon City kahapon ng madaling araw.
Ang naturang sunog ay tumagal ng may dalawang oras bago naapula ng mga bumbero.
Ayon sa QC Fire Protection Bureau, ang 140 pamilya ay nakatira sa 70 kabahayan sa Maria Corazon Street sa Doña Carmen Subdivision sa Brgy. Commonwealth.
Binubusisi na ng mga awtoridad ang sanhi ng sunog na sinasabing faulty electrical wiring.
Sa ngayon, ang mga nabiktima ay pansamantalang nagkakanlong sa katabing kapilya at covered court ng naturang barangay
- Latest