Pinakamataas na parangal ng COA, tinanggap ni Mayor Joy
MANILA, Philippines — Sa kauna-unahang pagkakataon sa kasaysayan, tinanggap ng Quezon City government ang pinakamataas na rating award buhat sa Commission on Audit (COA) sa kanilang audit report sa taong 2020.Ang ‘unqualified opinion’ ang pinakamataas na audit opinion na ibinibigay ng COA sa mga government agency kabilang ang local government unit.
Ayon kay Mayor Joy Belmonte na ang ganitong rekognisyon ay patunay lamang ng kanyang layon na maayos na pamamahala.
Nagpasalamat din siya sa COA at sa mga tanggapan sa ilalim ng local government unit sa pagtatamo ng pinakamataas na antas ng parangal sa gitna ng nagaganap na pandemic.
“Ito ang pinakamahalagang rekognisyon na tinatanggap ng LGU.Ito ang aming adhikain at isang magandang simula dahil nakamit natin ito sa kauna-unahang pagkakataon”, dagdag pa ni Belmonte.
Iniabot mismo ni COA Resident Auditor sa Quezon City Atty. Rex Quieta kay Mayor Belmonte ang annual audit report. Sinabi nitong nakatugon ang QC sa standard ng government’s auditing firm.“This is important because it signifies that the financial records and financial statements of Quezon City comply with the high standards, rules and regulations,” pahayag ni Atty. Quieta.
Sa ilalim ng Belmonte administration, ang QC government ay nagpatupad ng mga batas sa nagpapahusay ng transparency at serbisyo.
“Thank you to everyone involved in this achievement and may this inspire us to sustain the standards of good governance in the city in the next years or so,”sabi pa ni Mayor Belmonte.
- Latest
