‘Spiderman’ nagpabakuna sa Marikina
MANILA, Philippines — Agaw-pansin ang isang lalaki na nakasuot ng Spiderman costume nang magpabakuna kahapon sa Marikina City kontra COVID-19.
Ang lalaki na nakilalang si Alfred Dizon ay inakala ng mga vaccine staff na nagbibiro lamang, pero nang pumila para sa bakuna habang nakasuot ng Spiderman costume ay inisistihan naman at nabakunahan nang maipakita ang vaccination card.
Si Dizon ay nag-viral sa social media nang isang Justine Rain Go na andun sa lugar ay kumuha ng video nang dumating ang una sa vaccination site na nakasuot ng Spiderman costume hanggang sa magpabakuna.
Sa kanyang panig, sinabi ni Dizon na sinadya niyang magsuot ng ganitong costume upang mahikayat ang mga tao na makapag-pabakuna laban sa Covid-19 upang maprotektahan ang mga sarili laban sa virus.
“With great power comes great responsibi-lity,” sabi ni Dizon na ang pahayag na ito ay hango naman sa isang linya sa pelikulang Spiderman noong 2012.
- Latest