Mahigit P2 milyong shabu nakumpiska sa 2 drug suspect sa Taguig
MANILA, Philippines — Nasamsam ang tinata-yang P2-milyong halaga ng ilegal na droga sa dalawang target sa isinagawang buy-bust operation, sa Taguig City, kamakalawa ng gabi.
Kinilala ni National Ca-pital Region Police Office (NCRPO) Regional Director P/Major General Vicente Danao Jr, ang suspek na si Halima Macalunas, ayas Halima, 48; at Ponggo Pagayao, 20.
Natunton ang mga suspect sa may Cagayan de Oro St., Brgy. Maharlika, Taguig City, dakong alas-7:00 ng gabi kamakalawa.
Batay sa isinumiteng ulat sa Regional Headquarters, isinagawa ang operasyon ng mga tauhan ng District Drug Enforcement Unit ng NPD sa pangunguna ni P/Major Amor Cerillo, matapos ang intelligence operation laban sa pakay na mga suspek na dinayo pa sa Taguig.
Nasa 6 na malaking plas-tik ng shabu ang narekober, at P65,000.00 na boodle money at isang authentic P1,000 bill.
Ang nasamsam na shabu ay may timbang na 300 gramo na may street value na nagkakahalaga ng mahigit sa P2 milyon.
Ipinagharap na ng reklamong paglabag sa Republic Act 9165 (Comprehensive Dangerous Drugs Act of 2002 ang mga suspek sa Taguig Prosecutor’s Office.
- Latest